چوقای سیاه سایت بختیاری چوقای سیاه
اشعار فرشید رحیمی شاعر لر
اشعار فرشید رحیمی شاعر لر در این مطلب سایت چوقای سیاه.امیدواریم این مطلب سایت چوقای سیاه مورد توجه شما قرار گیرد.
شعر زیبای غزل جونی
غزل جونی گلم حالت چطوره
گلم حال تیه کالت چطوره
خشی خوبی گل مینا بنوشم
یل بالا بلند باوینه پوشم
ولاتُ ایل مالت در چ حالن
جوونل دی بلالت در چ حالن
بگو بینم بهار اومین و سحرا
سرو ایگو هنی خاله زهرا
هنی سازو دهل و دعوتی هه
من ابادی فقیر پاپتی هه
هنی هم خک خل من مال هسی
بگو او سی کلگ امسال هسی
هنی رفتن من موری رسمه یا ن
شله شیری م دوری رسمه یا ن
امیر پرواز چطوره تیز بیلش
هنی تیغ ایزنه زیر سبیلش
کسی حال کسینه ایپرسه یا ن
ریاست گوو گریمو قرصه یا ن
ی روز ایگی که من باغم بلی نی
ی روز ایگی ک من پیلم تلی نی
پسین ایگی ک تش چاله من کوره
صباش ایگی ک زن هالوت چه بوره
ی روز ایگی ک حوز خونه خشکه
ی دف ایگی تویلت چال مُشکه
تو فکر حال پاله سال خت بو
و فکر کهریه کر چال خت بو
مگو جونم سر اومه ،مال نیسی
علف سی کهره کرچال نیسی
ت ایگی دز ولاته دا و دم باد
توهم مث مو درو کن دادو بیداد
یکی نیسی بگو م تو پلیسی
ک هالو م ت سی ایما رئیسی
تش تنگی اگر کوره و جهنم
اگر سگ بی روه جوره و جهنم
درک از بزرگی وابی و پازن
شل و کور و کلو وابی نهازن
وری مِلکیت اگر تنگه لَچَش کن
زمستونه و شلغم دلته خش کن
تو هوشا بنگ حال احوال خت بو
و فکر شلغم امسال خت بو
فرشید رحیمی فر هستم شاعر شعر های لری به سبک سنگین و طنز، از شهر قلعه رئیسی روستای چال کلاغ
